नयाँ दिल्ली । एकता कपूरको आगामी फिल्मबाट अभिनेत्री श्रद्धा कपूर बाहिरिएको खबर आएको छ । राही अनिल बर्वेले निर्देशन गर्न लागेको यो फिल्मका लागि श्रद्धाले १७ करोड भारु र नाफामा हिस्सासमेत मागेको खबर आएको थियो । यसमा कुरो नमिलेपछि श्रद्धाले यो फिल्म छोडेको बताइएको छ ।

ुस्त्री २ु हिट भएपछि फ्यानहरू श्रद्धाको अर्को फिल्मको व्यग्र प्रतीक्षामा छन् । केही समयअघि अभिनेत्री निर्देशक राही अनिल बर्वेको फिल्ममा उनी देखिन सक्ने खबर आएको थियो । यो फिल्म एकता कपूरले निर्माण गर्दै थिइन् । तर अब भने श्रद्धाले यो फिल्म नगर्ने भएकी हुन् । यसको मुख्यकारण पैसामा देखिएको विवाद मानिएको छ ।

पिपिङमुनको समाचारअनुसार श्रद्धा अब यो फिल्ममा हुने छैनन् । श्रद्धाले आफूसँग निकै बढी पैसा मागेको र महिलाको मुख्य भूमिका भएको फिल्ममा यति धेरै पारिश्रमिक दिनु आफूलाई ठीक नलागेको एकताले बताएकी समाचारहरू बाहिरिएका थिए । श्रद्धाले मागेको पैसा दिए फिल्मको बजेट बढ्नेसमेत उनले बताएकी थिइन् ।

श्रद्धा फिल्मबाट बाहिरिएपछि निर्माताहरूले अर्की स्टार अभिनेत्रीसँग फिल्मका लागि कुरा गरिरहेका छन् । निर्माताहरूले पहिल्यै एक चर्चित अभिनेत्रीसँग कुरा गरिरहेको खबर पनि आएको छ ।

यता श्रद्धाको हातमा भने यतिवेला ुस्त्री ३ु छ । जुन फिल्म सन् २०२७ को अगस्ट १३ मा रिलिज हुने भनिएको छ । फिल्मको दोस्रो भागमा श्रद्धाको साथमा राजकुमार राव, अपारशक्ति खुराना, पंकज त्रिपाठी र अभिषेक बनर्जी जस्ता कलाकारहरूले महत्वपूर्ण भूमिका खेलेका थिए ।