काठमाडौँ । ‘महाभोज’ आगामी जेठ १५ गतेबाट रिलिजमा आउन लागेको फिल्म हो । फिल्मको प्रदर्शन मिति नजिकिँदै गर्दा निर्माण युनिटले नयाँ गीत ‘लालुमै’ सार्वजनिक गरेको छ ।

काठमाडौँमा एक कार्यक्रमका बिच सार्वजनिक गीतमा अभिनेता समेत रहेका निश्चल बस्नेत र गायिका अस्मिता अधिकारीको स्वर छ ।

हर्क साउदको शब्द, कोसिस र केतको सङ्गीत रहेको रोमान्टिक गीतमा पुष्कर खत्रीको एरेन्ज रहेको छ । गीतमा निश्चल बस्नेत, दयाहाङ राई, खगेन्द्र लामिछाने, अञ्जना बराइली, गौमाया गुरुङ, मल्लिका महत लगायत देखिएका छन् । गीतको कोरियोग्राफी सुनिल क्षेत्रीले गरेका हुन् । फिल्म दिनेश राउतले निर्देशन गरेका हुन् ।

गीत सार्वजनिक कार्यक्रममा बोल्दै निर्देशक राउतले ‘महाभोज’ले नेपाली समाजमा विद्यमान वर्ग सङ्घर्ष र पैसाले सिर्जना गर्ने पारिवारिक, सामाजिक तथा नैतिक दबाबको यथार्थ चित्रण गर्ने बताए ।‘महाभोज’ क्लक वर्क क्रियशन र पिक्चर फ्रेमको संयुक्त ब्यानरमा निर्माण भएको हो ।

फिल्ममा आर्यन सिग्देल, दयाहाङ राई, खगेन्द्र लामिछाने, अञ्जना बराइली, गौमाया गुरुङ, मलिका महत, वसुन्धरा भुसाल, मोहन निरौला, बुद्धि तामाङ, कमलमणि नेपाल, पुष्कर गुरुङ, विनोद न्यौपाने, आभा अर्याल, र वीरेन्द्र सिंह कुशवाहलगायत कलाकारको अभिनय देख्न पाइनेछ ।