काठमाडौं, ३ मंसिर । राष्ट्रिय स्वतन्त्र पार्टीका प्रवक्ता मनिष झाले आज बाराको सिमरामा भएको घटना संवेदनशील भएको बताएका छन् । पार्टीको जारी केन्द्रीय समितिको बैठकको बीचमा नै झाले सिमरा घट्नाबारे यस्तो टिप्पणी गरेका हुन् ।

उनले भनेका छन्,‘निर्वाचनको माहोल बनाउन राजनीतिक दलले सार्वजनिक कार्यक्रम आयोजना गर्न पाउनुपर्छ र सरकारले आवश्यक सुरक्षा उपलब्ध गराउनुपर्छ । आज सिमरामा भएको घटना संवेदनशील छ । यसमा राष्ट्रिय स्वतन्त्र पार्टीको गम्भीर सरोकार र सरकारको आवश्यक ध्यानाकार्षण माग गर्दछौं ।’

एमाले महासचिव शंकर पोखरेल र पोलिटब्यूरो सदस्य महेश बस्नेत आज बाराको कार्यक्रममा सहभागी हुन बुद्ध एयरमार्फत जाने तयारी थियो । तर, सिमरामा जेनजी अगुवाहरुले प्रदर्शन गरेपछि स्थिति तनावग्रस्त भएको थियो ।