काठमाडौं, १३ मंसिर । नेपाली कांग्रेसका प्रभावशाली नेता तथा पूर्व अर्थमन्त्री महेश आचार्यले शेरबहादुर देउवालाई पत्र लेखेर पार्टीभित्रको समस्याबारे सोधेका छन् । उनले पार्टीभित्र यो प्रत्युपादक अलमल किन भनेर पनि सोधेका छन् । उनले देउवासँग अब पार्टी राजनीतिमा कुनै निजी स्वार्थ बाँकी नभएको र केवल देशको प्रगति र एकताको चाहना अनि पार्टीको गौरवशाली इतिहास र लाखौं कांग्रेसजनको संघर्ष र समर्पणको किर्तिको रक्षा गर्नुनै संघर्षपुर्ण जीवनको ध्येय बन्न पुगेको विश्लेषण गरेका छन् । कांग्रेसलाई अहिलेको विषम परिस्थितिबाट मुक्त गर्न देउवाले सत्ता राजनीतिबाट तत्काल विश्राम लिएर चुनाव अघिनै महाधिवेशन गराउने स्पष्ट अभिभावकीय मार्ग निर्देशन गर्न जरुरी रहेको पनि उनले औंल्याएका छन् ।

यस्तो छ आचार्यले देउवालाई सम्बोधन गरेर लेखेको पत्र :

आदरणीय सभापतिजी,नेपाली कांग्रेस, सादर जयनेपाल ! तपाईमाथी भएको सांघातिक आक्रमणको केहि समय पछि भानुभाईलाई तपाईंको स्वास्थ्य स्थिति र भेटने संभावनाबारे सोधेको थिए।परिस्थितिबस भेट हुन सकेन।राष्ट्रिय राजनीतिको गंभीर संकटको बेला पार्टीको वर्तमान अवस्था र निर्णयहिनताले क्षुब्ध बनाएकाले आज यो सार्वजनिक अनुरोध गर्दैछु।झण्डै पाँच दशक देखिको तपाईंसंगको मित्रवत् सम्बन्ध संझिएर यो अनुरोध गर्दैछु।चिन्ताग्रस्त मेरो मनमा बारम्बार यो प्रश्न उठिराखेको छ सभापतिजी–पार्टीभित्र आखिर यो प्रत्युत्पादक अलमल किन ?

तपाईंको कार्यकाल अब केहि सातामै सकिदैछ, विधानले फेरी सभापति बन्न दिदैन।के तपाईं पुनः प्रधानमन्त्री बन्न चाहनु हुन्छ ? कस्को सहयोगमा ? -ओलीजीको जो आफनै पार्टी भित्र विवादको भुँवरीमा र राज्यका निकायबाट अनुसन्धानको घेरामा हुनुहुन्छ वा प्रचण्डजीको विश्वासमा जो गठबन्धन फेर्ने कलाबाजीमा अद्वितीय हुनुहुन्छ।यदि यी चाहना छैनन भने आफ्नो उत्तराधिकारी स्थापित गर्ने गलत रणनीतिको चक्रव्यूहमा भने कृपया नफस्नुहोस, यस्तो सोचलाइ देशले, समयले र कांग्रेस राजनीतिले स्वीकार्दैन।उदार चित्तले सोच्दा पार्टी राजनीतिमा अब तपाईंका कुनै निजी स्वार्थ बाँकी छैनन् केवल देशको प्रगति र एकताको चाहना अनि पार्टीको गौरवशाली इतिहास र लाखौं कांग्रेसजनको संघर्ष र समर्पणको किर्तिको रक्षा गर्नुनै तपाईंको संघर्षपुर्ण जीवनको ध्येय बन्न पुगेकोछ भन्ने मलाई लाग्छ।कांग्रेसलाई अहिलेको विषम परिस्थितिबाट मुक्त गर्न तपाईंले सत्ता राजनीतिबाट तत्काल विश्राम लिएर चुनाव अघिनै महाधिवेशन गराउने स्पष्ट अभिभावकीय मार्ग निर्देशन गर्न जरुरी देख्दछु।यो सत्य हो कांग्रेसभित्र तपाईंको जत्रो अग्लो कद अहिले अरु कसैको छैन।त्यसैले कांग्रेसको संकटमोचन गर्न समयले तपाईंकै त्याग र

आदरणीय सभापतिजी, सुबर्ण शमशेरजीको सभापतित्वको कार्यकाल असाधारण थियो।समाजवादलाई पार्टीको आर्थिक कार्यक्रम स्वीकार गर्ने देखि विशेष अधिवेशनको माध्यमबाट राष्ट्रिय राजनीतिको गतिरोध चिर्ने सम्मका घटनामा वहाँको सुझबुझ असाधारण थियो। त्यसबेला २००७ सालको शाही घोषणाले वाचा गरेको विधान परिषदको चुनाव अनिश्चित पारिएको थियो, क्रान्तिका वास्तविक नायक बीपीलाई सत्ताबाट लगातार बाहिर राख्ने षडयन्त्र थियो, कहिले राजाको प्रत्यक्ष शासन कहिले प्रधानमन्त्री फेरिरहने प्रयोगबाट चुनाव ७ बर्षसम्म रोकिएको थियो। देशको यो अन्योल चिर्न तत्काल चुनावको घोषणा र चुनाव गराउन सक्ने कांग्रेस नेतृत्वको सरकार राष्ट्रकै एजेण्डा बनेका थिए। राष्ट्रका यीनै मुद्दालाई पार्टीको एजेण्डा बनाएर कांग्रेसले २०१४ सालमा पार्टीको विशेष अधिवेशन द्वारा घोषणा गरेको देशब्यापी सत्याग्रहको बलमा २०१५ सालको आम निर्वाचन संभव गराएको थियो।यो ऐतिहासिक जिम्मेवारी पुरा गर्न श्रध्देय सुवर्णशमशेरले सभापति पदबाट राजीनामा गरी बीपीलाई विशेष अधिवेशनबाट सभापति निर्वाचित गर्ने ढोका खोलिदिनु भएको थियो। आज फेरी राष्ट्रमा नयाँ पुस्ताको आन्दोलन पछि उठेका मुद्दालाई समेत सम्बोधन गर्न अनि य

सादर जय नेपाल सहित,

महेश आचार्य, वानेश्वर–३१