आगामी फागुन २१ गते हुने प्रतिनिधिसभा निर्वाचनको तयारी भइरहेका बेला मनोनयनपत्र दर्ता प्रक्रिया रोक्न माग गर्दै सर्वोच्च अदालतमा रिट दायर गरिएको छ।
अधिवक्ता कीर्तीनाथ शर्मा पौडेलले राष्ट्रपति कार्यालय र प्रधानमन्त्री कार्यालयविरुद्ध रिट पेस गरेका हुन्। उनले निर्वाचन आयोगले सार्वजनिक गरेको सम्पूर्ण निर्वाचन तालिका तत्काल रोक्न माग गरेका छन्।
उनको माग अनुसार माघ ६ गते बिहान १० बजेदेखि बेलुका ५ बजेसम्म हुने उम्मेदवारको मनोनयनपत्र दर्तासहित निर्वाचनसँग सम्बन्धित सबै प्रक्रिया स्थगित हुनुपर्छ।
अधिवक्ता शर्माका अनुसार यस विषयमा सर्वोच्च अदालतले माघ ६ गते नै सुनुवाइ गर्नेछ। प्रतिनिधिसभा पुनस्र्थापनासम्बन्धी मुद्दा सर्वोच्च अदालतमा विचाराधीन अवस्थामा रहेको बेला निर्वाचनको तालिका सार्वजनिक गरिएकोले त्यसले अदालतको निर्णयलाई असर पार्न सक्ने भन्दै रिट दायर गरिएको हो।
यदि निर्वाचन तालिका अनुसार काम अघि बढेमा माघ ७ गते उम्मेदवारविरुद्ध उजुरी दिन पाइनेछ। त्यसपछि मनोनयनपत्र र उजुरीमाथि जाँचबुझ गरेर माघ ८ गते उम्मेदवारको नामावली प्रकाशित गरिनेछ। माघ ९ गते उम्मेदवारले नाम फिर्ता लिन सक्नेछन् र सोही दिन अन्तिम नामावली तथा निर्वाचन चिह्न वितरण गरिनेछ।
सारमा भन्नुपर्दा, निर्वाचन प्रक्रिया सुरु हुन लागेका बेला त्यसलाई रोक्न अदालतमा मुद्दा परेकाले अब सर्वोच्च अदालतको निर्णयले निर्वाचनको आगामी कदम के हुने भन्ने तय गर्नेछ।
Facebook Comments